Yrkesetisk seminar 26.03.-28.03.08

Dette har vore 3 kjekke og lærerike dagar! Kjekt å jobba på gruppa med andre enn dei eg plar samarbeida med. Spesielt kjekt at klassane vart blanda, eg føler eg/me vart betre kjent med den andre klassen etter desse dagane. (Sjølv om eg syntest det var skummelt då eg høyrde at me skulle blandast....)
Å få jobba med desse relevante oppgåvene, har vore svært nyttig. Dette er noko me som framtidige lærarar vil ein eller annan gong koma bort i. Då kan det vera greitt å ha tenkt litt i gjennom nokre av dei mange etiske dilemma på førehand. Det er vanskeleg å skilja konsekvensetisk analyse i frå pliktetisk analyse. Dei går av og til litt i kvarandre synest eg.
Det vart mykje diskusjonar under framføringane, det var kjekt. Eg held meg i bakgrunnen då, men det er berre slik eg er.......

Det vart mykje diskusjon på alle dei 4 sakene. Eg kan ikkje seia kva av dei 4 som det vart mest diskusjon på. Det eg la mest merke til var at det vart mykje diskusjon på dei 2 "minste" sakene òg.
Gruppesamarbeidet gjekk veldig fint. Me var stort sett einige, så det vart ingen heftige diskusjonar då!

Teieplikta til lærarar er svært viktig å oppretthalda ellers kan ein missa tillit både til eleven, foreldra og andre lærarar. Det er òg fare for at ein kan støta nokon.
Opplysningsplikta/meldeplikta er viktig med tanke på at som lærarar må me sjå heile eleven, og bry oss.

Refleksjon etter praksis.

Då var praksisen avslutta på 4. trinnet på Langeland Skule. Litt synd no når eg endeleg hadde lært meg namna på alle elevane. Det har vore 3 hektiske, men kjekke veker. Me har blant anna vore på skeisebanen, hatt "påskeverkstad", solidaritetsdag, og vore på turdag i skogen. Dagane har vore varierte, og det er noko eg trivest godt med. Og dette er ein av grunnane til at eg ynskjer å jobba i skulen.

Me har lært mykje, blant anna at det er viktig med godt samarbeid. Eg føler at eg ikkje har så mykje idear til korleis me kan gjera undervisninga kjekk og variert, men heldigvis har eg dei andre på praksisgruppa mi med mange idear. Eg trur ideane kjem i takt med sjølvtilliten min, og den er på veg opp.....
Å få auka sjølvtilliten min, hadde eg som mitt personlege mål denne perioden. Eg fekk gode tilbakemeldingar frå praksislærarane mine etter dei timane eg hadde ansvaret for, då aukar sjølvtilliten automatisk. Men eg har litt å jobba vidare med her enno!

Dette at ting tek tid, er òg noko eg må jobba vidare med. Det er ikkje gjort på nokre minutt å få over 40 elevar til å leggja på plass bøker i hylla, og henta dei bøkene dei skal ha leksa i, og leggja dei nedi sekken! Så der må eg verta flinkare til å berekna god tid.

Me skulle fokusera på IKT denne perioden. Og me på 4. trinnet, brukte iallefall data kvar veka. Fyrste veka tok me elevane med på ei reisa med Google Earth! Me hadde ommøblert klasserommet slik at det skulle sjå ut som om me var inne i eit fly. Elevane hadde om globus og kart, så dette var ein fin introduksjon syntest me. Det vart ein vellukka tur, der me tok eit stopp i kvar verdsdel! I tillegg var me var flyvertinnner som serverte kjeks til alle dei reisande!

Den andre veka hadde me stasjonsarbeid, der den eine stasjonen var å jobba på Gaia sine sider på internett. Her var det mange elevar som desverre ikkje kom inn på nettet før det hadde nesten gått 20 minutt av timen.......Men slik er det berre av og til.

Tysdagen i siste veka hadde me arbeidsplan, der ein av oppgåvene var å jobba på Cappelen sine norsksider på internett. Det fungerte fint!
Me hadde stasjonsarbeid på onsdagen i siste veka, og då var det å øva på gonging og deling på internett. Grethe hadde laga eit oppgåveark til elevane, så det gjekk fint og dei var ivrige!

Eg synest eg får god kontakt med elevane, og det gjev meg mykje!
Etter desse vekene har eg vorte endå meir sikker på at det er i skulen eg vil jobba!